Dokumentazio-Zentroa

Erakusketako edukiak zaintzeaz gain, haiek ahalik eta gehien aberastea da dokumentazio-zentro honen helburu nagusia. Garapen-prozesuan dagoen zentroaren alderdi honek hainbat proiektu ditu martxan jartzeko:

Fototeka

Ugao-Miraballesko Historia Ezagutzeko Zentroa argazkiak biltzen ari da, bertako artxibategia osatzeko. Kopiak egin ondoren, zuen argazkiak itzuliko dizkizuegu, baita 15x18 tamainako argazki handitu bana ere.

Herritarrei eskatutako lankidetza horrek fruituak ematen baditu, Ugao-Miraballesko Historia Ezagutzeko Interpretazio Zentroak erakusketa bat antolatuko du jasotako lanekin.

Ikerketa-lanak

Barne-liburutegia

Ugao-Miraballesi buruzko argitalpenez osaturik:

• CIFUENTES PAZOS, Jose Manuel. Monografías de pueblos de Bizkaia. Bizkaiko Foru Aldundia. (1993)
• Bizkaiko Foru Aldundiko Kultur Saila. Bizkaiko Ondare Historikoa. Nerbioi-Arratia (109. zenbakia).
• SALAZAR, Belene. Ugaoko euskararen azterketa etnolinguistikoa. (2001)
• UGAO-MIRABALLESKO UDALA, Barne-barnetik bideoa. (2002)
• GARCÍA RODRIGO, Javier. Crónica de Ugao. (2005)

Zentroak bere fondoetan sartzeko baimena ematen die horixe eskatzen duten ikertzaileei.

Bertan sartzeko baldintzak zehazteko, ezinbestekoa da Zentroko arduradunarekin harremanetan jartzea. (Lege bat sortu / horretarako bakoitzaren bi kopia egon behar dute).

Zentroko liburutegiak sarrera mugatua du eta Ugao-Miraballesko historiari buruzko informazioa hedatzea du helburu nagusi.

Eskurapen berriak

Lehenago aipatu dugunez, erakusketa iraunkorra aberastea da HEZen dokumentazio-zentroaren xedetariko bat. Horregatik, gonbidapen hauxe luzatzen diegu Ugao-Miraballesko herritarrei:

“Etxean duzun antzinako dokumentu edo tresnaren bat traste zahar bat baino ez dela uste baduzu, eskertuko genizuke erakusketara ekartzea. Hemen konpondu, zaindu eta erakutsiko dugu.  Zuk jarriko duzu itzulera-data eta bertan agertuko da zure izena”.

Horrez gain, egunkari- edo aldizkari-zatiak eta abar ere artxibatzen ari gara.

* 2006. urtean, bi eskurapen garrantzitsu jaso ditugu.

1-. Faksimila

Joan I.a erregeak Olabarrietako Tomas Deuna Patronatuari 1379an emandako pribilegioen konfirmazio-dokumentuaren kopia, 1547. urteko data duena.

2-. Galdara

Burdinurtuko galdara honek 1848. urteko data dauka eta Ugao-Miraballesko ikur ukaezina da, Ugaoko dorrearekin batera ageri baita irudikatuta herriko armarrian.

* 2007. urtean hainbat eskurapen garantzitsu jaso ditugu:

1-. II. Errepublikan alkatea izandako Miguel Galdeanoren aginte makila.

2-. Ammonites fosila baten zatia, Larreta mendiaren magalean aurkitua.

3-. 70. hamarkadan desagertutako, Ugaoko dorrearen ateko giltza.